काठमाडौं, ३० जेठ । नेपाली कांग्रेसका नेता गगन थापाले पशुपति क्षेत्रको धर्म, संस्कृति, परम्परा र ऐतिहासिक बस्तीमा असर पर्ने सरकारी निर्णयहरू तत्काल पुनरावलोकन गर्न आग्रह गरेका छन् ।
शनिबार काठमाडौंमा आयोजित कार्यक्रममा उनले स्थानीय संवेदनशीलता बेवास्ता गरेर गरिएका निर्णयले दीर्घकालीन रूपमा सांस्कृतिक सम्पदा र परम्परामाथि नकारात्मक प्रभाव पार्न सक्ने बताए।
पशुपति क्षेत्रमा कार्यरत जनशक्तिलाई श्रेणीविहीन बनाउने निर्णय तथा बस्ती व्यवस्थापनसम्बन्धी विषयप्रति चिन्ता व्यक्त गर्दै उनले सरकारलाई स्थानीय समुदायसँगको सहमति र प्रतिबद्धता सम्मान गर्न आग्रह गरे ।
थापाले लोकतन्त्रमा निर्णय सच्याउनु कमजोरी नभई जिम्मेवार शासनको उदाहरण भएको उल्लेख गर्दै विवादास्पद निर्णयहरू पुनर्विचार गर्न सरकारलाई आग्रह गरे ।
