आर्थिक सुशासनका पैरवीकर्ता आचार्यको निधन

काठमाडौं, ९ चैत । अर्थविद् केशव आचार्यको ७२ वर्षको उमेरमा निधन भएको छ ।

मस्तिष्कघातपछि काठमाडौँस्थित अस्पतालमा उपचारका क्रममा आज बिहान उनको निधन भएको पारिवारिक स्रोतले जनाएको छ ।

नेपाल राष्ट्र बैंकका पूर्व कार्यकारी निर्देशक आचार्यले पछिल्लो समय मुलुकको वित्तीय क्षेत्र र आर्थिक सुशासनबारे सक्रिय रूपमा बहस र पैरवी गर्दै आएका थिए ।

उनका श्रीमती, एक छोरा र एक छोरी छन् । पार्थिव शरीरको अन्त्येष्टि मंगलबार गरिनेछ ।