काठमाडौं, १५ असार । राष्ट्रियसभा सदस्यहरूले कृषिलाई राज्यको प्रमुख प्राथमिकतामा राख्दै खाद्यान्नमा आत्मनिर्भर हुने दीर्घकालीन नीति तथा कार्यक्रम ल्याउन सरकारसँग आग्रह गरेका छन् ।
आइतबारको बैठकमा सांसदहरूले कृषि उत्पादन वृद्धि, किसान संरक्षण र खाद्य सुरक्षामा प्रभावकारी नीति आवश्यक रहेको बताए ।
साथै, गरिब तथा भूमिहीन नागरिकका लागि लक्षित कार्यक्रम, विश्वविद्यालयमा पारदर्शी उपकुलपति नियुक्ति, धान तथा बीउ उत्पादनमा आत्मनिर्भरता, होल्डिङ सेन्टरसम्बन्धी विषयको समाधान र बालबालिकालाई राजनीतिक गतिविधिमा प्रयोग नगर्न सरकार तथा राजनीतिक दलहरूको ध्यानाकर्षण गराएका छन् ।
