जनकपुरधाम १३ माघ । धनुषाको महेन्द्रनगर व्यापारिक केन्द्र भनेर चिनिने नमुना महेन्द्रनगरमा जन समुदयलाई मध्यनजर गरी सुबिधा सम्पन्न शान्ति हेल्थ केयर प्रा.लि.सन्चालनमा आएको छ ।
क्षीरेश्वरनाथ नगरपालिका ५महेन्द्रनगरमा सो हेल्थ केयर संचालनमा आएको छ । संचालक डा.रमेश यादबले भंगहा नगरपालिका,बटेश्वर गाउपालिका ,क्षीरेश्वरनाथ नगरपालिका,लक्ष्मीनिया गाउपालिका,मिथिला बिहारी नगरपालिका,जनकपुरधाम उपमहानगरपालिका लगायतका पालिकाहरुका व्यक्तिहरुले उपचारको लागि सेवा लिन सकिने बताएका छन ।
क्षीरेश्वरनाथ नगरपालिका बासी मात्र नभई अन्य छिमेकी पालिकाहरुको सर्व साधारण तथा अति विपन्न वर्गका समुदायले सामान्य खर्चमा उपचारको सेवा लिन पाउनु गर्वको कुरा भएको बताउदै अन्य टाढा गएर उपचार गर्न जान लाग्ने खर्चले महेन्द्रनगरमै सफल उपचार गर्न पाउँदा समय तथा आर्थिक बचतहुने डा.रमेश यादबले बताए ।
सेवा ग्राहिहरुले राम्रो उपचार पाउनुको साथै बालबालिकाहरुको लागि बालमैत्री, अपाङ्ग मैत्री र जेष्ठ नागरिकहरुको लागि राम्रो व्यवस्थापन गरिनुपर्ने र समुदायका जनताहरुले सहि उपचार पाउनुपर्ने यादबले बताए । २४ सै घण्टा इमेर्जेन्सी सेवाको साथमा एक्सरे, इसिजी, भिडियो एक्सरे, ल्याव, अक्सिजन सेवा, नेवुलाइजेसन सेवा, उपलब्ध हुने र फार्मेसी सेवाको साथमा बालरोग, महिलाहरुमा हुने सम्पूर्ण रोगको उपचार गराइने सन्चालक यादबले बताए ।
असाहय, अति विपन्न र अपाङ्ग नागरिकहरुले पालिका तथा वडाहरुबाट सिफारिस गरिएकी खण्डमा ओपिडी तथा ल्यावमा ५० प्रतिशत रकम छुट गराइने व्यवस्था समेत गरिएको समेत बताए ।
