विश्वकप जित्दा लाखौँ अर्जेन्टिनी सडकमा

काठमाडौं ४ माघ । आइतबार राति भएको विश्वकप २०२२ को फाइनलमा फ्रान्सलाई हराउँदै अर्जेन्टिनाले उपाधि जित्दा अर्जेन्टिनामा लाखौँ जनता सडकमा उत्रिएका छन् । पछिल्लो पटक सन् १९८६ मा म्याराडोनाको नेतृत्वमा रहेको अर्जेन्टिनी टोलीले विश्वकप जितेको थियो । ३६ वर्षपछि मेसीको कप्तानीमा रहेको टोलीले अर्जेन्टिनालाई विश्वकप जिताएको हो । विश्वकप जितेपछि अर्जेन्टिनामा सबैभन्दा बढी वाहवाही मेसी र गोलकिपर मार्टिनेजको भएको छ । दुवैले विश्वकपभरि उत्कृष्ट प्रदर्शन गरेका थिए । विश्वकपसँगै मेसीले गोल्डेन बल तथा मार्टिनेजले गोल्डेन ग्लब पनि पाएका छन भने अर्जेन्टिनाकै इन्जो फर्नान्डिस उदीयमान खेलाडी घोषित भएका छन् । यसअघि मेसीले सन् २०१४ को विश्वकपमा पनि गोल्डेन बल पाएका थिए । विश्वकपमा दुई पटक गोल्डेन बल पाउने मेसी एकमात्र खेलाडी भएका छन् । त्यस वर्ष अर्जेन्टिना फाइनलमा जर्मनीसँग पराजित भएको थियो । साढे ४ करोडभन्दा बढी जनसंख्या भएको अर्जेन्टिनामा विश्वकपको उपाधिले ऐतिहासिक उत्साह ल्याएको छ ।