काठमाडौं, २८ जेठ । नेपाली कम्युनिष्ट पार्टी -नेकपा) का राष्ट्रिय सभाका संसदीय दलका नेता झक्कुप्रसाद सुवेदीले प्रधानमन्त्री वालेन्द्र शाह को नेपाल-भारत सीमा सम्बन्धी अभिव्यक्तिको कडा आलोचना गरेका छन् ।
बिहीबार राष्ट्रिय सभा बैठकमा बोल्दै सुवेदीले प्रधानमन्त्री शाहजस्तो व्यक्ति प्रधानमन्त्री हुनु नेपाली जनताका लागि दुर्भाग्य भएको टिप्पणी गरे ।
उनले प्रधानमन्त्रीको उक्त अभिव्यक्ति संसदको अभिलेखबाट हटाउन तथा आम नागरिकसमक्ष माफी माग्न माग गरे । सुवेदीले राष्ट्रियता र मातृभूमिसँग जोडिएका विषयमा प्रधानमन्त्रीले गैरजिम्मेवार अभिव्यक्ति दिन नहुने बताउँदै नेपालले भारतको भूमि कहाँ र कति मिचेको हो भन्ने स्पष्ट पार्न पनि आग्रह गरे ।
राष्ट्र र राष्ट्रियतामाथि आघात पुग्ने कुनै पनि अभिव्यक्ति स्वीकार्य नहुने उनको भनाइ थियो ।
