काठमाडौँ, २८ असोज । गृहमन्त्री सुधन गुरुङ तीनदिने भारत भ्रमण सम्पन्न गरी स्वदेश फर्किएका छन्। उनी असोज २६ गते भारत गएका थिए।
नयाँ दिल्लीमा आयोजित बिमस्टेकको पहिलो गृह मन्त्रीस्तरीय बैठकमा सहभागी भएका गुरुङले भारतीय गृहमन्त्री अमित शाहसँग द्विपक्षीय भेटवार्ता गरेका थिए।
बैठकलाई सम्बोधन गर्दै उनले जलवायु परिवर्तनबाट बढ्दै गएको विपद् जोखिम न्यूनीकरणका लागि ‘बिमस्टेक क्षेत्रीय विपद् पूर्वतयारी तथा प्रतिकार्य रूपरेखा’ निर्माण गर्न प्रस्ताव गरेका थिए।
स्वदेश फर्कने क्रममा इन्दिरा गान्धी अन्तर्राष्ट्रिय विमानस्थलमा गृहमन्त्री गुरुङले भारतीय विदेशमन्त्री डा. एस. जयशंकरसँग संक्षिप्त भेटवार्ता गरेको उनको सचिवालयले जनाएको छ।
