काठमाडौँ, २८ असोज । स्वास्थ्य तथा खाद्य स्वच्छता मन्त्रालयले सरकारी कर्मचारीलाई स्वास्थ्य बिमा कार्यक्रममा अनिवार्य रूपमा आबद्ध गराउन विभिन्न सरकारी निकायसँग समन्वय गर्न पत्राचार गरेको छ।
मन्त्रालयले भूमि व्यवस्था, सहकारी तथा सङ्घीय मामिला तथा सामान्य प्रशासन मन्त्रालयलाई पत्र पठाउँदै संघ, प्रदेश र स्थानीय तहमा कार्यरत राष्ट्रसेवक कर्मचारीलाई स्वास्थ्य बिमामा समेट्न आवश्यक सहजीकरण गर्न आग्रह गरेको हो।
स्वास्थ्य बिमा ऐन तथा नियमावलीमा भएको व्यवस्थाअनुसार कर्मचारीको बिमामा आबद्धता बढाउने, स्वास्थ्य सेवामा पहुँच विस्तार गर्ने र कार्यक्रमलाई व्यवस्थित बनाउने उद्देश्यले पहल गरिएको मन्त्रालयले जनाएको छ।
