काठमाडौं, १४ असोज । देशमा मनसुनी र पश्चिमी वायुको आंशिक प्रभाव कायमै रहेको मौसम पूर्वानुमान महाशाखाले जनाएको छ। हाल हिमाली क्षेत्रमा आंशिक बदली तथा पहाडी र तराई क्षेत्रमा मौसम सामान्यतया सफा रहेको छ।
महाशाखाका अनुसार आज दिउँसो देशभर आंशिक बदली रहनेछ। कोशी र बागमतीका हिमाली तथा पहाडी क्षेत्रका केही स्थानसहित अन्य प्रदेशका एक–दुई स्थानमा हल्का वर्षा र हिमपातको सम्भावना छ।
राति कोशी र बागमतीका हिमाली तथा पहाडी क्षेत्रमा सामान्य बदली रहनेछ भने अन्य पहाडी क्षेत्रमा आंशिक बदली रहनेछ। तराई क्षेत्रमा भने मौसम मुख्यतया सफा रहने जनाइएको छ।
