काठमाडौं, १३ असोज । सरकारले पूर्वप्रधानन्यायाधीश चोलेन्द्रशमशेर जबरालाई पक्राउ वा नियन्त्रणमा नलिएको स्पष्ट पारेको छ।
सुरक्षा जोखिम बढेपछि परिवारकै आग्रहमा उनलाई सुरक्षाका लागि रेस्क्यु गरिएको सरकारको भनाइ छ।
मंगलबार सञ्चारकर्मीको प्रश्नको जवाफ दिँदै सरकारका प्रवक्ता एवं शिक्षामन्त्री सस्मित पोखरेलले जबराको सुरक्षाका लागि परिवारबाट प्रहरीसमक्ष निवेदन आएको बताए।
सोही आधारमा उनलाई सुरक्षित स्थानमा लगिएको र यो पक्राउ वा नियन्त्रणको प्रक्रिया नभएको उनले स्पष्ट पारे।
