धनुषामा निशुल्क स्वास्थ्य शिविर सम्पन्न

जनकपुरधाम ३० पुस । धनुषाको नगराईन नगरपालिका ९ घोडघासमा शनिवार निशुल्क स्वास्थ्य शिविर सम्पन्न भएको छ । जनकपुरधामको बाल तथा रगत रोग क्लिनिकको आयोजनामा शिविर संचालनमा आएको थियो ।

ग्रामीण क्षेत्रका नागरिकलाई घरदैलोमा स्वास्थ्य सेवा दिने उद्देश्यले शिविरको आयोजना गरिएको नवजात शिशु तथा बालरोग विशेषज्ञ डा.इशराजुल शाहले बताए । उनले गाउँघरमै विशेषज्ञ सेवा दिने उद्देश्यले शिविरको आयोजना गरेको पनि बताए । एक दिबसिय शिविरमा अप्रेशनबाहेकको विशेषज्ञ सेवा प्रदान भएको शाहले बताए । शिविरमा रगत एवं क्यान्सर रोग विशेषज्ञ डा. अजय कुमार झा, डा.प्रिन्स भण्डारी(MBBS,MS Uro surgery), डा.प्रकास चन्द्र ओझा(MBS, MD medicine) र डा.सुजित पाण्डे(OBS& Gyno) विशेषज्ञले सेवा दिएका छन । गाउँघरमै निशुल्क शिविर सञ्चालन हुँदा स्थानीयलाई सजिलो भएको नगराईनका सेवा लिने स्थानीयहरुले बताउछन । त्यस्तै यहि पुस २४ गतेको दिन जनकपुरधाम उपमहानगरपालिका २० देपुरा रुपैठामा पनि निशुल्क स्वास्थ्य शिविरको आयोजना भएको थियो । उक्त निशुल्क स्वास्थ्य शिविर बाल तथा रगत रोग क्लिनिक र साही क्लिनिक एण्ड प्याथोलोजीको सहयोगमा सन्चालनमा आएको थियो ।