काठमाडौं, ९ साउन । पाँचबुँदे माग राखेर धनगढीमा अनशनरत प्राध्यापक डा. गोविन्द केसीको स्वास्थ्य अवस्था बिग्रिएपछि उनलाई सेती प्रादेशिक अस्पतालको आईसीयूमा भर्ना गरिएको छ ।
बिहीबारदेखि कैलालीको धनगढीस्थित कृष्ण मन्दिर धर्मशालामा अनशन बसेका डा. केसीको ब्लड सुगर घट्दै गएको, रक्तचापमा उतारचढाव देखिएको तथा मांसपेशी बाउँडिने समस्या देखिएपछि शनिबार अस्पताल लगिएको हो।
चिकित्सकको टोलीले उनको आईसीयूमा उपचार गरिरहेको छ । यसैबीच, धनगढीमा केही व्यक्तिले ‘गो ब्याक गोविन्द केसी’ भन्दै उनको अनशन फिर्ता लिन माग गर्दै प्रदर्शन गरेका छन् ।
