विराटनगर, ११ साउन । सुनसरीको देवानगञ्ज–३ कप्तानगञ्जमा दुई समूहबीच भएको झडप नियन्त्रणका क्रममा प्रहरीले चलाएको गोली लागेर २४ वर्षीय ओमप्रकाश मेहताको मृत्यु भएपछि स्थानीय प्रशासनले पाँच बजार क्षेत्रमा अनिश्चितकालीन कफ्र्यु जारी गरेको छ ।
प्रमुख जिल्ला अधिकारी बासुदेव घिमिरेले हरिनगरा, भुटाहा, कप्तानगञ्ज, घुस्की र देवानगञ्ज बजार क्षेत्रमा अर्को सूचना नभएसम्म कफ्र्यु लागू गरिएको जानकारी दिएका छन् ।
घटनामा प्रहरीको गोली लागेर १६ जना प्रदर्शनकारी घाइते भएका छन्, जसमा केहीको अवस्था गम्भीर रहेको जनाइएको छ ।
