काठमाडौं, २४ कार्तिक । परराष्ट्रमन्त्री शिशिर खनालले जलवायु परिवर्तनका कारण नेपालले असमानुपातिक जोखिम सामना गर्नुपरेको भन्दै अन्तर्राष्ट्रिय समुदायको ध्यानाकर्षण गराएका छन्।
टर्किएको अन्ताल्यामा जारी जलवायु परिवर्तनसम्बन्धी राष्ट्रसङ्घीय सम्मेलन कोप–३१ मा नेपालको राष्ट्रिय पेभिलियन उद्घाटन गर्दै मन्त्री खनालले भोटेकोशीमा आएको विपद्लाई ‘हिमालयन सुनामी’को संज्ञा दिएका हुन्।
उनले नेपालले न्यून मात्रामा हरितगृह ग्यास उत्सर्जन गरे पनि जलवायु परिवर्तनको गम्भीर असर भोग्नुपरेको बताए। जलवायु न्याय र हानि–नोक्सानीबापतको आर्थिक सहायता सुनिश्चित गर्न अन्तर्राष्ट्रिय सहकार्य आवश्यक रहेको उनको भनाइ थियो।
यसैबीच, मन्त्री खनालले इथियोपियाका परराष्ट्रमन्त्री गेडियन टिमोथियोससँग भेटवार्ता गर्दै व्यापार, पर्यटन, हवाई सम्पर्क र अतिकम विकसित मुलुकबाट स्तरोन्नतिका विषयमा छलफल गरेका छन्।
