काठमाडौं, २ असोज । सरकारले विभिन्न १३ देशका लागि नयाँ राजदूत नियुक्त गर्न नाम सिफारिस गरेको छ। मन्त्रिपरिषद्को बैठकले विभिन्न क्षेत्रको विज्ञता, अध्ययन–अनुसन्धान तथा नेतृत्वको अनुभव भएका व्यक्तिहरूलाई राजदूतका रूपमा सिफारिस गर्ने निर्णय गरेको परराष्ट्रमन्त्री शिशिर खनालले जानकारी दिएका छन्।
सरकारको निर्णयअनुसार विभिन्न मुलुकका लागि सिफारिस भएका राजदूतहरू यसप्रकार छन् :
- भारत — डा. निश्चलनाथ पाण्डे
- चीन — डा. कल्याणराज शर्मा
- अमेरिका — चिरनजंग थापा
- बेलायत — अवकाशप्राप्त पूर्वप्रधानसेनापति गौरवशमशेर जङ्गबहादुर राणा
- जापान — जिग्यानकुमार थापा
- इजरायल — सुरेशकुमार कर्ण
- स्पेन — प्राप्ति शेरचन
- जर्मनी — शरु जोशी
- ओमान — डा. पद्माक्षी राणा
- मलेसिया — चूडामणि खरेल
- दक्षिण कोरिया — प्रा. डा. सङ्गम श्रेष्ठ
- श्रीलङ्का — मञ्चला झा
- साउदी अरेबिया — गिरीबहादुर सुनार
सरकारले सिफारिस गरेका व्यक्तिहरूको नाम अब संसदीय सुनुवाइका लागि सङ्घीय संसद्मा पठाउने प्रक्रिया अघि बढाउनेछ। संसदीय सुनुवाइ पूरा भएपछि सम्बन्धित मुलुकबाट सहमति लिन ‘एग्रिमो’ पठाइनेछ।
सम्बन्धित देशबाट एग्रिमो प्राप्त भएपछि राष्ट्रपतिबाट औपचारिक रूपमा राजदूत नियुक्त गर्ने संवैधानिक प्रक्रिया अघि बढ्नेछ।
