काठमाडौं, २ असोज । सरकारले भारत, चीन र अमेरिकासहित १३ मुलुकका लागि नयाँ राजदूत नियुक्त गर्न नाम सिफारिस गरेको छ ।
शुक्रबार बसेको मन्त्रिपरिषद् बैठकले विभिन्न देशमा रिक्त रहेका नेपाली राजदूतका पदमा नियुक्तिका लागि १३ जनाको नाम सिफारिस गर्ने निर्णय गरेको हो।सरकारको यो निर्णयसँगै लामो समयदेखि रिक्त रहेका केही नेपाली कूटनीतिक नियोगमा नयाँ नेतृत्व पठाउने प्रक्रिया अघि बढेको छ ।
भारत, चीन र अमेरिकाजस्ता नेपालको कूटनीतिक तथा आर्थिक सम्बन्धका दृष्टिले महत्वपूर्ण मुलुकका लागि समेत राजदूत सिफारिस गरिएको छ ।
राजदूत नियुक्तिको संवैधानिक प्रक्रियाअनुसार मन्त्रिपरिषद्ले सिफारिस गरेका नाम संसदीय सुनुवाइ तथा त्यसपछिका आवश्यक प्रक्रियाबाट अघि बढ्ने व्यवस्था छ ।
