काठमाडौँ, १२ फागुन । सरकारले यही फागुन २१ गते हुने प्रतिनिधिसभा सदस्य निर्वाचनका अवसरमा तीन दिन सार्वजनिक बिदा दिने निर्णय गरेको छ ।
सिंहदरबारमा आज बसेको मन्त्रिपरिषद् बैठकले फागुन २०, २१ र २२ गते देशभर सार्वजनिक बिदा दिने निर्णय गरेको हो । सरकारका प्रवक्ता तथा गृहमन्त्री ओमप्रकाश अर्यालले निर्वाचनलाई शान्तिपूर्ण, निष्पक्ष र सहभागितामूलक बनाउन बिदा दिने निर्णय गरिएको जानकारी दिए ।
उनका अनुसार मतदानको अघिल्लो दिन, मतदानको दिन र मतदानपछिको दिन सार्वजनिक बिदा दिइनेछ । सरकारले निर्वाचन आयोगको सिफारिसअनुसार उक्त निर्णय गरेको हो ।
बिदाका कारण मतदाताले सहज रूपमा मतदानमा सहभागी हुन पाउने विश्वास लिइएको छ ।
