काठमाडौँ, १२ फागुन । यही फागुन २१ गते हुने प्रतिनिधिसभा सदस्य निर्वाचनका लागि उम्मेदवारी दिएका ३,४०६ प्रत्यक्ष उम्मेदवारमध्ये हालसम्म १,२१३ जनाले मात्र बैङ्क खाता खोलेका छन् ।
निर्वाचन आयोगका अनुसार निर्वाचनमा सहभागी ६८ राजनीतिक दलमध्ये नौ दलले मात्रै खाता खोलेका छन् । आयोगले निर्वाचन खर्चको पारदर्शिता, कानुनले तोकेको खर्च सीमा पालना र प्रभावकारी निगरानीका लागि बैङ्क खाता अनिवार्य गरेको जनाएको छ ।
कार्यविधिअनुसार सबै दल, दलका उम्मेदवार र स्वतन्त्र उम्मेदवारले निर्वाचनसम्बन्धी आम्दानी–खर्च सोही खातामार्फत गर्नुपर्ने व्यवस्था छ ।
