काठमाडौं, १५ कात्तिक । भारतीय विपक्षी दलहरूको इन्डिया (INDIA) गठबन्धनले निर्वाचन आयोग र मतदाता नामावलीको विशेष गहन पुनरावलोकन (एसआईआर) प्रक्रिया विरुद्ध नयाँ दिल्लीस्थित रामलीला मैदानमा विशाल विरोध र्याली आयोजना गरेको छ।
र्यालीमा राहुल गान्धी, सोनिया गान्धी, प्रियङ्का गान्धी वाड्रा र अखिलेश यादवसहित गठबन्धनका शीर्ष नेताहरू सहभागी भएका थिए।
विपक्षी नेताहरूले मुख्य निर्वाचन आयुक्त ज्ञानेश कुमारको कार्यशैलीमाथि प्रश्न उठाउँदै मतदाता नामावली पुनरावलोकन प्रक्रिया निष्पक्ष, पारदर्शी र विश्वसनीय हुनुपर्ने माग गरेका छन्।
निर्वाचन आयोगको कदमप्रति असन्तुष्टि जनाउँदै उनीहरूले सरकार र आयोगविरुद्ध आफ्नो विरोध तथा आन्दोलनलाई निरन्तरता दिने चेतावनी दिएका छन्।
