जनकपुर, २६ असोज। मधेश प्रदेश सरकारको खेलकुद तथा समाज कल्याण मन्त्रालयअन्तर्गत रहेको दलित विकास समितिका नवनियुक्त सदस्यहरूको शपथ ग्रहण कार्यक्रम सम्पन्न भएको छ।
खेलकुद तथा समाज कल्याणमन्त्री लखन दासको उपस्थितिमा समितिका नवनियुक्त सदस्यहरू शम्भु पासमान, गणेश पासमान र अमिक बराइलीले शपथ ग्रहण गर्नुभएको हो। समितिकी सदस्य सुनिता पासमानको शपथ ग्रहण भने हुन बाँकी रहेको छ।
शपथ ग्रहण कार्यक्रममा मन्त्रालयका सचिव सुशील साह कानु, दलित विकास समितिका उपाध्यक्ष जितेन्द्र पासमान, सदस्य सचिव शिवजी गुप्तालगायत मन्त्रालय तथा समितिमा कार्यरत कर्मचारीहरूको उपस्थिति रहेको थियो।
नवनियुक्त सदस्यहरूको शपथ ग्रहणसँगै दलित समुदायको विकास, सशक्तीकरण तथा हकहितका विषयमा समितिको भूमिकालाई थप प्रभावकारी बनाउने अपेक्षा गरिएको छ।
