काठमाडौं, १९ साउन । सरकारले अन्तर्राष्ट्रिय बजारमा आएको असामान्य मूल्यवृद्धिका कारण प्रभावित सार्वजनिक निर्माणका ठेक्कामा विशेष मूल्य समायोजन गर्ने निर्णय गरेको छ।
पूर्वाधार विकास मन्त्रालयका अनुसार पेट्रोलियम पदार्थ, बिटुमिन, एचडीपीई पाइप, सिमेन्ट र डन्डीमा भएको अस्वाभाविक मूल्यवृद्धिलाई वास्तविक तथा प्रमाणित खपतका आधारमा सम्बोधन गरिनेछ।
१५ चैत २०८२ पछि पनि कार्यसम्पादन अवधि कायम रहेका र तोकिएको मापदण्ड पूरा गर्ने ठेक्का यस व्यवस्थामा समेटिनेछन्।
यसबाट चालु विकास आयोजना निरन्तर सञ्चालन गर्न तथा असाधारण मूल्यवृद्धिबाट निर्माण क्षेत्रमा परेको असरलाई सम्बोधन गर्न सहयोग पुग्ने मन्त्रालयले जनाएको छ।
