पर्सा अदालतको आदेशपछि रविमाथिको मुद्दामा नयाँ मोड

काठमाडौं, जेठ २६ । रास्वपा सभापति रवि लामिछाने विरुद्ध पर्सा जिल्ला अदालतमा चलिरहेको सानो पाइला सहकारी ठगी मुद्दाबाट संगठित अपराधको आरोप हटाइएको छ ।

महान्यायाधिवक्ताको निर्णयअनुसार सरकारी वकिलले आरोपपत्र संशोधनको निवेदन दिएपछि न्यायाधीश मोहन सुवेदीको इजलासले संशोधन आदेश जारी गरेको हो ।

यससँगै आरोपित र पीडितबीच मिलापत्रको बाटो खुलेको छ, जसबाट सहमति भएमा मुद्दा फिर्ता हुन सक्ने कानुनी सम्भावना बनेको छ ।

उक्त मुद्दा २०८२ असार १ गते रवि लामिछानेसहित २९ जनाविरुद्ध ५ करोड ७४ लाख रुपैयाँ विगो दाबीसहित दायर गरिएको थियो ।