पर्सा, ११ फागुन । पर्सामा धार्मिक सद्भाव खलल पु¥याउने गतिविधिमा संलग्नलाई कानुनी दायरामा ल्याउने निर्णय भएको छ ।
पर्सा जिल्लाका प्रमुख जिल्ला अधिकारी भोला दाहालको अध्यक्षतामा बसेको सर्वदलीय तथा सर्वपक्षीय बैठकले वीरगञ्ज महानगरपालिका-११ श्रीपुर घटनाका दोषीमाथि पीडितको जाहेरीका आधारमा तत्काल कानुनी प्रक्रिया अघि बढाउने निर्णय गरेको हो ।
बैठकले धार्मिक तथा सामाजिक सद्भाव बिगार्ने उद्देश्यले दुष्प्रचार, घृणात्मक अभिव्यक्ति र सामाजिक सञ्जालमा भड्काउने सामग्री फैलाउनेलाई साइबर कानुनसहित प्रचलित कानुनअनुसार कारबाही गर्ने निर्णय पनि गरेको छ ।
प्रहरी प्रमुख नरेन्द्रराज सुवेदीले दोषीलाई कानुनी दायरामा ल्याइने प्रतिबद्धता जनाएका छन् । 
