काठमाडौं, ५ असोज । जनता समाजवादी पार्टी (जसपा) नेपालका अध्यक्ष एवं पूर्वउपप्रधानमन्त्री उपेन्द्र यादवले राजनीतिक परिवर्तन भए पनि त्यसअनुसार सामाजिक र आर्थिक रूपान्तरण हुन नसकेको बताएका छन्।
सोमबार डा. रेखा यादव ‘निर्झर’को कथासङ्ग्रह ‘प्रश्न’ लोकार्पण कार्यक्रममा बोल्दै यादवले राजनीतिक उपलब्धिलाई दिगो बनाउन सामाजिक तथा आर्थिक लोकतन्त्र आवश्यक रहेको बताए।
राजनीतिक परिवर्तनको लाभ आम नागरिकसम्म पुग्न नसके व्यवस्थाप्रतिको आकर्षण घट्न सक्ने उनको भनाइ थियो। उनले सामाजिक चेतना र रूपान्तरणका लागि लेखक, साहित्यकार, पत्रकार, बुद्धिजीवी तथा कलाकारले महत्वपूर्ण भूमिका खेल्नुपर्नेमा जोड दिए।
