जनकपुरधाम,१४ चैत्र । मधेश प्रदेशमा मीटर ब्याजीको समस्या दिन प्रति दिन विकराल हुदै गएको देखिन्छ । यसमा खासगरी गरीब किसानहरु पीडÞित छन् ।
यसको स्थायी समाधानका लागी मधेश प्रदेशका कृषि मन्त्री ई. बसन्त कुशवाहाले पहल शुरू गरेका छन् । मधेश प्रदेशमा किसानहरु किसानी कार्यका लागी चर्को ब्याज दरमा साहुहरुसंग ऋण लिने गरेका छन् ।
यसका लागी मन्त्री कुशवाहा केही दिन देखी काठमाण्डौका केही ठुला बैंकका ब्यवस्थापकहरुसंग छलफलमा व्यस्त छन् । यी बैंकहरुले सहुलियत ब्याज दरमा सहज प्रक्रिया मार्फÞत ऋण उपलब्ध गराउने छ ।
ऋणको दर ५ देखी ७% हुने अनुमान गरिएको छ । यसमा भूमिहीन किसान देखी निम्न वर्गीय साना किसानको खेती कार्य, खाद्य उपजबाट संचालन हुने उद्योग, कृषि उपजको बजारीकरण, बीऊबिजनको उत्पादन, कृषि उपकरण उत्पादन, खरीद र बिक्री आदि समेत यो ऋणबाट प्रयोग गर्न सकिने छ ।
ऋणको सही सदुपयोगका लागी कृषि सेवा केन्द्र, बिज्ञ केन्द्र, कृषि परामर्श सेवा तथा कॉल सेण्टर समेत संचालन गरी किसानलाई कृषि कार्यमा सहजीकरण हुने जनाईएको छ ।
