सर्लाही, ८ कात्तिक । पूर्व-पश्चिम महेन्द्र राजमार्ग अन्तर्गत सर्लाहीको ईश्वरपुर नगरपालिका–१२ स्थित बाँके जङ्गलमा ट्रक र इभी गाडी एकआपसमा ठोक्किँदा १२ जना घाइते भएका छन्।
शनिबार सर्लाहीबाट बर्दिबासतर्फ जाँदै गरेको मधेश प्रदेश ०४–००१ ज ००५७ नम्बरको इभी र विपरीत दिशाबाट आउँदै गरेको प्रदेश १–०२–००२ ख १३२४ नम्बरको ट्रक दुर्घटनामा परेका हुन्।
दुर्घटनामा इभीमा सवार बाराका कामेश्वर सहनी, राजेन्द्र राम, रञ्जित राम, भवन राम, रामदेव राम, विनोद राम, रुदल राम र हरिहर रामसहित १२ जना घाइते भएका छन्। घाइतेहरूको उपचार भइरहेको जनाइएको छ।
