दिपेन्द्र ठाकुरप्रति मतदाताहरुको रुझान बढ्दो

जनकपुरधाम २१ कार्तिक । धनुषा निर्वाचन क्षेत्र नं.३(ख) प्रदेश सभाका लागि नेकपा एमालेबाट उम्मेदवारी दिएका दिपेन्द्र ठाकुरप्रति मतदाताहरुको उत्साह दिनप्रति दिन बढ्दै गईरहेको मंसिर ४ गते हुने निर्वाचनलाई लक्षित गरि उम्मेदवार ठाकुर मतदाताहरुको घरघरमा पुगेर आर्शिवाद लिने र आफनो चुनावी एजेन्डाबारे जानकारी गराउने अभियान राखेको छ । समाजसेवा र खेलकुदलाई स्थापित गराउन सफल ठाकुरलाई युवा, किसान, बुद्धिजीवी तथा मतदाताहरुले गाउँ गाउँमा भब्य स्वागतसहित खुलेरै समेत प्रचार प्रसारमा लागेका छन् । अरु पार्टीका नेता कार्यकताहरुले क्षेत्रको विकासमा ध्यान नदिएको र चुनाव जितेर जनताको मर्म र भावना विपरित पार्टीको निर्देशनमा लागेकाले मतदाताहरुले विकल्पका रुपमा एमालेका युवा उम्मेदवार दिपेन्द्र ठाकुरको पक्षमा मतदान गर्ने उत्साह बढाउने गरेको उम्मेदवार ठाकुरका सहयोगी सरोज मिश्राले बताएका छन ।