कुर्थामा जसपाको सम्पर्क कार्यालय स्थापना

जनकपुरधाम ४ कार्तिक । आगामी प्रतिनिधिसभा तथा प्रदेशसभा सदस्यको निर्वाचनलाई लक्षित गर्दै जनता समाजवादी पार्टी नेपाल (जसपा) धनुषाले आफ्ना गतिविधि अगाडि बढाएको छ जसपाले कुर्थामा पार्टीको सम्पर्क कार्यालय स्थापना गरेर निर्वाचन लक्षित गतिविधिहरु अगाडि बढाएको हो । जनता समाजवादी पार्टी नेपालका प्रतिनिधिसभा तथा प्रदेशसभाका उम्मेदवार द्वय महाजन यादब र ज्ञानेन्द्र कुमार यादबले कुर्थामा सम्पर्क कार्यालयको उद्घाटन गरेका छन् । महाजन यादब धनुषा क्षेत्र नम्बर ४ बाट प्रतिनिधिसभा सदस्यका लागि उम्मेदवार हुन भने प्रदेश सभा सदस्यको लागि ज्ञानेन्द्र कुमार यादब ४(क) का उम्मेदवार हुन। सम्पर्क कार्यालयबाट आगामी निर्वाचनसँग सम्बन्धित गतिविधिहरु सञ्चालन हुने जसपा नगर अध्यक्ष बिष्णुदेब साहले जनाएको छ ।
ज्ञानेन्द्र कुमार यादबले पाँच वर्षसम्म जनताको सेवामा निरन्तर खटेर गरेकोले क्षेत्रमा जसपाबाट निर्वाचितले विकासको लहर ल्याएको दावी गर्दै जनताले जसपाकामको मूल्यांकन गरेर पुन: निर्वाचित गराउने बताए । जसपाको ज्ञानेन्द्र कुमार यादब निर्वाचन क्षेत्र नं ४(क) बाट निर्वाचित भएको थियो ।