घरदैलोमा झा र साह,गठबन्धनबाट साह बलियो

जनकपुरधाम १ कार्तिक । आगामी मंसिर ४ गते हुन गईरहेको प्रतिनिधिसभा तथा प्रदेशसभा सदस्य चुनावको लागि धनुषा निर्वाचन क्षेत्र नं ३ बाट उम्मेदवारी दिएका उम्मेदवार अनिल कुमार झा, प्रमेश्वर साहले घरदैलो अभियान सुरु गरेको छ । धनुषा निर्वाचन क्षेत्र नं ३को लागि पाँच दलीय गठबन्धनको तर्फबाट साझा उम्मेदवार रहेका लोकतान्त्रिक समाजवादी पार्टीबाट अनिल कुमार झा र प्रदेशसभाका लागि निर्वाचन क्षेत्र नं ३(ख)लागि उठेका प्रमेश्वर साह संयुक्त घरदैलो अभियान सँचालन गरेका छन । संयुक्त उम्मेदवार प्रमेश्वर साह निर्वाचन क्षेत्र नं३(ख)मा बलियो उम्मेदवार रहेको आँकलन गरिएको छ । गठबन्धनमध्ये पाँच पार्टीको एक मात्र साँझा उम्मेदवार भएपछि उनलाई बलियो उम्मेदवार मानिएको छ ।