काठमाडौं, ९ असोज । कपिलवस्तुका प्रमुख जिल्ला अधिकारी (सीडीओ) जनार्दन गौतमले राजीनामा दिएका छन्।
उनले असोज १४ गतेदेखि लागू हुने गरी गृह मन्त्रालयमा राजीनामा बुझाएका हुन्। सेवा अवधिको करिब सात महिना बाँकी रहँदै स्वेच्छिक अवकाश रोजेका गौतम ११ महिनादेखि कपिलवस्तुको सीडीओका रूपमा कार्यरत थिए।
२०७७ चैतमा सहसचिव बनेका उनले उदयपुर, सप्तरी, सिन्धुली, तनहुँ, गुल्मी लगायतका जिल्लामा प्रशासनिक नेतृत्व सम्हालेका थिए।
