काठमाडौं, ९ असोज । काठमाडौं, ९ असोज । देशका विभिन्न नदी तथा खोलामा आज जलसतह बढ्ने र आकस्मिक बाढी आउन सक्ने बाढी पूर्वानुमान महाशाखाले जनाएको छ।
महाशाखाका अनुसार कोसी, नारायणी, बागमती, कन्काई र कमलालगायत नदीमा पानीको सतह सतर्कता तह नजिक छ। वर्षा जारी रहे बहाब थप बढ्ने अनुमान गरिएको छ।
काठमाडौंसहित देशका अधिकांश जिल्लाका साना नदी तथा खोलामा पनि बहाब बढ्ने सम्भावना छ। गोरखा, लमजुङ, कास्की, मनाङ, मुस्ताङ, दाङ, बाँके, बर्दिया, सुर्खेत, दैलेख, कैलाली र कञ्चनपुरमा आकस्मिक बाढीको उच्च जोखिम रहेको महाशाखाले जनाएको छ।
अन्य धेरै जिल्लामा भने साना नदीमा बहाब बढ्ने र आकस्मिक बाढीको मध्यम जोखिम रहेकाले सतर्कता अपनाउन आग्रह गरिएको छ।
