काठमाडौं, २२ भदौ। राष्ट्रपति रामचन्द्र पौडेलले भोटेकोसी बाढीबाट भएको मानवीय क्षतिप्रति दुःख व्यक्त गर्दै विपद्को समयमा राष्ट्रिय एकता र ऐक्यबद्धता कायम गर्न सबैलाई आग्रह गरेका छन्।
सोमबार राष्ट्रका नाममा सम्बोधन गर्दै राष्ट्रपति पौडेलले मृतकहरूप्रति श्रद्धाञ्जली र शोकाकुल परिवारप्रति समवेदना व्यक्त गरे।
बेपत्ता आफन्तको खोजीमा रहेका परिवारलाई उद्धार तथा खोजी कार्य निरन्तर जारी रहने विश्वास दिलाउँदै उनले विपद्को समयमा विभाजन, दोषारोपण र राजनीतिक टकरावभन्दा एकताबद्ध भएर अघि बढ्नुपर्ने बताए।
