काठमाडौं, २० भदौ । भोटेकोशी बाढीले पुरिएको नुवाकोटको बेत्रावतीस्थित घरबाट एक वृद्धाको ११ दिनपछि जीवितै उद्धार गरिएको छ।
सशस्त्र प्रहरीका सहायक प्रवक्ता डीएसपी शैलेन्द्र थापाका अनुसार उद्धार गरिएकी महिला अचेत अवस्थामा रहेकी छन्। उनको स्वास्थ्य परीक्षण भइरहेको छ भने परिचय खुलेको छैन।
यसअघि नेपाली सेनाले अपर त्रिशूली–१ बाट एक चिनियाँ नागरिक तथा त्रिशूली–३ ‘ए’को सुरुङबाट दुई जनाको जीवित उद्धार गरेको थियो।
