काठमाडौं, २० भदौ । प्रधानमन्त्री वालेन्द्र शाह ‘बालेन’ले मानव बेचबिखन तथा ओसारपसार नियन्त्रणका लागि संघ, प्रदेश र स्थानीय तहसहित सबै सरोकारवालाबीच प्रभावकारी सहकार्य आवश्यक रहेको बताएका छन्।
मानव बेचबिखनविरुद्धको २०औँ राष्ट्रिय दिवसका अवसरमा शनिबार शुभकामना सन्देश जारी गर्दै उनले मानव बेचबिखनलाई सभ्यताकै कलंक तथा विश्वव्यापी संगठित अपराधको संज्ञा दिए।
‘प्रविधिको सही प्रयोग र सजगता : मानव बेचबिखनरहित राष्ट्र निर्माणमा ऐक्यबद्धता’ नारासहित दिवस मनाइँदैछ। प्रधानमन्त्री शाहले प्रविधिको विकाससँगै बेचबिखनको स्वरूप र प्रवृत्तिमा परिवर्तन आएकाले रोकथामका लागि थप सजगता आवश्यक रहेको बताए।
उनले मानव बेचबिखनविरुद्ध सरकार नीतिगत तथा संस्थागत सुधार गर्दै अघि बढेको उल्लेख गर्दै साझा प्रयासबाट मात्रै बेचबिखनमुक्त समाज निर्माण सम्भव हुने बताए।
