काठमाडौं, २० भदौ । रसुवाको भोटेकोशी नदीमा आएको भीषण बाढीमा परी मृत्यु हुनेको संख्या १ हजार ३४४ पुगेको छ।
नेपाल प्रहरीले शनिबार बिहान ५ बजेसम्मको विवरण सार्वजनिक गर्दै १ हजार ३४४ शव फेला परेको जनाएको हो। तीमध्ये ५२ बालक, ३३ बालिका, २६९ महिला र ४८९ पुरुषका शव छन् भने ५०१ वटा आंशिक अंग फेला परेका छन्।
प्रहरीका अनुसार अझै ४ हजार ८९८ जना सम्पर्कविहीन छन्। हालसम्म ८ हजार ६३१ जना बाढी प्रभावितको उद्धार गरिएको छ।
बाढीमा २५ प्रहरी सम्पर्कविहीन रहेको र ६५ प्रहरी प्रभावित भएको प्रहरीले जनाएको छ। खोज, उद्धार तथा राहतका लागि ७ हजार ९१२ सुरक्षाकर्मी परिचालन गरिएको छ।
