काठमाडौं, ७ असार । राष्ट्रिय स्वतन्त्र पार्टी -रास्वपा) को प्रथम महाधिवेशनलाई सम्बोधन गर्दै प्रधानमन्त्री बालेन्द्र शाह -बालेन) ले सरकारलाई एक्सप्रेस–वेमा दौडिरहेको गाडीको संज्ञा दिँदै गन्तव्यमा पुगेपछि मात्र ब्रेक लाग्ने बताएका छन् ।
सरकार अनियन्त्रित नभई स्पष्ट लक्ष्यका साथ अघि बढिरहेको उनको भनाइ थियो । उनले रास्वपा कुनै विचारधारात्मक बहसभन्दा विकास, सुशासन र समस्या समाधानमा केन्द्रित पार्टी भएको बताए ।
पार्टी स्पटलाइटमा नभई जनतालाई स्पटलाइटमा ल्याएको दाबी गर्दै जनताको विश्वास निरन्तर कायम रहने उल्लेख गरे । बालेनले पार्टीभित्र गुट–उपगुट नबनाउन आग्रह गर्दै पुराना दलका कमजोरी दोहो¥याउन नहुने बताए ।
सहकारी, सुकुमबासी लगायतका समस्याहरू यही कार्यकालमै समाधान गर्ने प्रतिबद्धता व्यक्त गर्दै आगामी पाँच वर्ष देश निर्माणमा केन्द्रित हुन कार्यकर्तालाई आह्वान गरे ।
