काठमाडौं, २६ कात्तिक । परराष्ट्रमन्त्री शिशिर खनालले संयुक्त राष्ट्रसंघका महासचिव एन्टोनियो गुटेरेससँग भेट गरी जलवायु परिवर्तन र नेपालको पुनर्निर्माणलगायतका विषयमा छलफल गरेका छन्।
टर्कीएको अन्ताल्यामा जारी जलवायु परिवर्तनसम्बन्धी राष्ट्रसंघीय सम्मेलन (कोप–३१) का क्रममा भएको भेटमा मन्त्री खनालले भोटेकोशी बाढीपछि नेपालप्रति समवेदना र ऐक्यबद्धता व्यक्त गरेकोमा महासचिवलाई धन्यवाद दिए।
भेटमा महासचिव गुटेरेसले विश्व शान्ति स्थापनामा नेपाली सेना तथा प्रहरीले पुर्याउँदै आएको योगदानको प्रशंसा गरेका थिए।
दुवै पक्षबीच नेपालको पुनर्स्थापना तथा पुनर्निर्माण, जलवायु वित्त, पूर्वसूचना प्रणाली, विश्वव्यापी शासन प्रणालीमा सुधार र जलवायु परिवर्तनका चुनौती सामना गर्न अन्तर्राष्ट्रिय सहकार्य बढाउने विषयमा छलफल भएको थियो।
