काठमाडौं, ६ असार । फिफा विश्वकप २०२६ अन्तर्गत जारी समूह चरणको खेलमा पाराग्वेले टर्कीविरुद्ध सुरुआतमै अग्रता बनाएको छ ।
सान फ्रान्सिस्को बे एरिया स्टेडियममा भइरहेको खेलको दोस्रो मिनेटमै माटियास गालार्जाको गोलमा पाराग्वेले १–० को अग्रता लिएको हो ।
पहिलो खेलमा पराजित भएका दुवै टोली यस खेलबाट प्रतियोगिताको पहिलो जित निकाल्ने लक्ष्यसहित मैदान उत्रिएका छन्। सुरुआती गोलपछि पाराग्वेले खेलमा आत्मविश्वासपूर्ण प्रदर्शन गरिरहेको छ भने टर्की बराबरी गोलको खोजीमा छ ।
समूह डी अन्तर्गतको यो खेल दुवै टोलीका लागि महत्वपूर्ण मानिएको छ, किनकि हारले नकआउट चरण पुग्ने सम्भावनामा असर पार्न सक्छ ।
