काठमाडौं, ८ कात्तिक । नेपाली कांग्रेसका नवनिर्वाचित केन्द्रीय पदाधिकारी तथा सदस्यहरूलाई कात्तिक १२ गते पद तथा गोपनीयताको शपथ गराउने तयारी गरिएको छ।
कांग्रेसको १५औँ महाधिवेशनबाट सभापति गगन थापाको नेतृत्वमा २३१ सदस्यीय केन्द्रीय कार्यसमिति चयन भएको थियो। सभापति थापाले यसअघि नै शपथ लिइसकेका छन् भने बाँकी २३० जनालाई शपथ गराउने र प्रमाणपत्र वितरण गर्ने तयारी भइरहेको छ।
केन्द्रीय निर्वाचन समितिका सदस्यसचिव राजु कटुवालका अनुसार कात्तिक १२ गते कार्यक्रम गर्ने तयारी भए पनि औपचारिक निर्णय हुन बाँकी छ। वरिष्ठ उपसभापति विश्वप्रकाश शर्मा देशबाहिर रहेकाले कार्यक्रमको अन्तिम मिति र समय निश्चित हुन नसकेको समितिले जनाएको छ।
