काठमाडौं, १ असार । प्रमुख प्रतिपक्षी दल नेकपा एमालेले भारत भ्रमणका क्रममा परराष्ट्रमन्त्री शिशिर खनालले दिएको भनिएको अतीतको बोझ बोक्न सक्दैनौ भन्ने अभिव्यक्तिबारे संसद्मा स्पष्टिकरण मागेको छ ।
प्रतिनिधिसभाको बैठकमा एमाले संसदीय दलकी उपनेता पद्मा अर्यालले उक्त अभिव्यक्तिले के संकेत गरेको हो भन्दै सरकारसँग जवाफ मागिन् ।
उनले कालापानी, लिपुलेकलगायतका नेपाली भूभागसम्बन्धी दाबीलाई नै त्यस्तो भनिएको हो कि भन्ने प्रश्न समेत उठाएकी छन् ।
