काठमाडौँ, ३० जेष्ठ । प्रशिक्षार्थी तथा युवा चिकित्सकहरूले श्रम अधिकार, सेव सुविधा र कार्यस्थलको अवस्था सुधारको माग गर्दै शुक्रबार माइतीघर मण्डलामा प्रदर्शन गरेका छन् ।
जेनजी सरकार, जेनजी डाक्टरलाई न्याय दे भन्ने नारासहित उनीहरूले सात बुँदे माग सार्वजनिक गरेका हुन्।
प्रदर्शनकारी चिकित्सकहरूले श्रम ऐनअनुसार ड्युटी समय सीमित गर्न, सातामा एक दिन अनिवार्य बिदा, महिला चिकित्सकलाई तलबसहित सुत्केरी बिदा तथा आवासीय चिकित्सकलाई अधिकृत आठौँ तहसरहको तलब उपलब्ध गराउन माग गरेका छन् ।
यस्तै, इन्टर्न चिकित्सकलाई अधिकृत छैटौँ तहसरहको पारिश्रमिक, अतिरिक्त समयको भत्ता, श्रम शोषणसम्बन्धी गुनासा सुनुवाइका लागि अधिकारसम्पन्न समिति गठन तथा मेडिकल कलेजहरूमा मानसिक स्वास्थ्यसम्बन्धी विशेष समिति स्थापना गर्न पनि उनीहरूले सरकारसँग माग गरेका छन् ।
