काभ्रेपलाञ्चोक, ३० जेठ । बीपी राजमार्गअन्तर्गत नमोबुद्ध–२ बुच्चाकोटमा भएको बस दुर्घटनामा मृत्यु भएका सबै ८ जनाको सनाखत भएको छ ।
जिल्ला प्रहरी कार्यालय काभ्रेका अनुसार दुर्घटनामा रोशी गाउँपालिका–६ का मेघबहादुर तामाङ, राजु तामाङ र इन्द्रबहादुर तामाङ, रोशी–७ की फुलमाया तामाङ र माया लामा तथा रोशी–८ की प्यारीमाया तामाङको मृत्यु भएको छ ।
यस्तै, दैलेख घर भई नेपाली सेनामा अमल्दार पदमा कार्यरत बमबहादुर भण्डारी र सिन्धुलीको घ्याङलेख गाउँपालिका–४ की सुमी लामाको पनि दुर्घटनामा ज्यान गएको प्रहरीले जनाएको छ।
मृतक इन्द्रबहादुर तामाङ बसका साहु समेत रहेका थिए ।
