काठमाडौं, २१ जेठ । टिकटकर तुल्सा अधिकारीलाई ललितपुर जिल्ला अदालतले पुर्पक्षका लागि थुनामा पठाउन आदेश दिएको छ।
न्यायाधीश टेकनाथ गौतमको इजलासले ठगी, आपराधिक विश्वासघात, संगठित अपराध तथा सम्पत्ति शुद्धीकरणसम्बन्धी मुद्दामा उक्त आदेश गरेको हो।
अधिकारीलाई प्रहरीले इन्टरपोलको सहयोगमा १७ जेठमा थाइल्यान्डबाट पक्राउ गरी नेपाल ल्याएको थियो।
उनीविरुद्ध ६ करोड ५२ लाख २९ हजार ७५ रुपैयाँ बराबरको ठगी तथा सम्पत्ति शुद्धीकरणको आरोपमा मुद्दा दायर गरिएको छ।
कुमार चिमोरियाले २०८२ साउन २२ गते प्रहरी वृत्त सातदोबाटोमा जाहेरी दिएपछि अनुसन्धान सुरु भएको थियो।
अनुसन्धानका क्रममा उनी सम्पत्ति शुद्धीकरण कसुरमा समेत जोडिएकी थिइन्।
