महोत्तरी, २० जेठ । महोत्तरीको सोनमा गाउँपालिका–३ खखनामा मंगलबार राति डाँका समूहले एक घरमा लुटपाट गर्दै गोली चलाउँदा दुई जना घाइते भएका छन् ।
राम विश्वास आदबको घरमा भएको डाँका चोरीका क्रममा गोली लागेर उनका ज्वाईं ईश्वर यादव र छोरी किरण यादव घाइते भएको जिल्ला प्रहरी कार्यालय महोत्तरीले जनाएको छ ।
घाइते दुवैजनाको जनकपुरस्थित जानकी हेल्थ केयरमा उपचार भइरहेको छ। प्रहरीले घटनाको थप अनुसन्धान सुरु गरेको छ ।
