काठमाडौं, १८ जेठ । प्रतिनिधिसभाका सभामुख डोलप्रसाद अर्याल (डीपी) ले संसद्मा देखिएका समस्या समाधानका लागि विपक्षी दलसँग संवादको प्रयास गरे पनि अपेक्षित सहयोग नपाएको बताएका छन् ।
प्रधानमन्त्री बालेन्द्र शाहको अभिव्यक्तिलाई लिएर विपक्षी दलले सोमबार प्रतिनिधिसभा बैठक अवरुद्ध गरेपछि सभामुख अर्यालले आफूले पटक–पटक संवादका लागि आग्रह गरे पनि पर्याप्त समय र साथ नपाएको गुनासो गरेको छ ।
उनले आइतबार प्रतिनिधिसभा नियमावली पारित गर्ने प्रक्रिया संविधान र नियमावलीअनुसार नै अघि बढाइएको दाबी गर्दै आफूले कुनै नियम नउल्लंघन गरेको स्पष्ट पारे । साथै, सभामुखको भूमिकाअनुसार विधेयकमाथिका संशोधनहरू निर्णयार्थ प्रस्तुत गर्ने काम मात्र गरेको बताए ।
