काठमाडौं, १७ जेठ । अर्थमन्त्री डा. स्वर्णिम वाग्लेले २० खर्ब रुपैयाँको सरकारी बजेटले मात्र आर्थिक वृद्धि हासिल हुन्छ भन्ने बुझाइ गलत रहेको बताएका छन् ।
अर्थ मन्त्रालयमा आयोजित पत्रकार सम्मेलनमा उनले नेपालको समग्र अर्थतन्त्र करिब ७० खर्ब रुपैयाँको रहेको उल्लेख गर्दै सरकारले बजेटभन्दा पनि सम्पूर्ण अर्थतन्त्र विस्तारमा ध्यान केन्द्रित गरेको बताए ।
उनले सरकारको बजेट अर्थतन्त्रलाई सहजीकरण गर्ने माध्यम मात्र भएको र सडक, विद्युत्, शान्ति–सुरक्षा तथा न्याय प्रणालीजस्ता पूर्वाधारमार्फत निजी क्षेत्रको आत्मविश्वास बढाएर लगानी आकर्षित गर्ने लक्ष्य रहेको बताए ।
आगामी सात वर्षभित्र नेपालको अर्थतन्त्रलाई ७० खर्बबाट १५० खर्ब रुपैयाँसम्म पु¥याउने लक्ष्य रहेको पनि उनले जानकारी दिए ।
अर्थमन्त्री वाग्लेले राज्यले सबै क्षेत्रमा प्रत्यक्ष लगानी गर्ने मोडलभन्दा बलियो र प्रभावकारी नियामक राज्यको अवधारणालाई प्राथमिकता दिएको स्पष्ट पारे ।
