काठमाडौं, ७ जेष्ठ । नेपाली काग्रेसका सांसद अर्जुननरसिंह केसीले प्रधानमन्त्री बालेन शाह संसद्प्रति जवाफदेही नभएको आरोप लगाएका छन् ।
प्रतिनिधि सभामा बोल्दै उनले प्रधानमन्त्री संसद्को अभिन्न अङ्ग हो वा भिन्दै साम्राज्यको सम्राट हो भन्दै प्रश्न उठाए । प्रधानमन्त्रीले गृह मन्त्रालय समेत सम्हालिरहेकाले गम्भीर विषयमा संसदलाई जवाफ दिनुपर्ने उनको भनाइ थियो ।
साथै, उनले १५ दिनपछि सुरु हुने मनसुनको पूर्वतयारीबारे सरकारको ध्यानाकर्षण गराउँदै विगतका क्षतिबाट पाठ सिकेर योजनाबद्ध रूपमा काम गर्न आग्रह गरे ।
केसीले विगतमा हजारौँ घरपरिवार प्रभावित भएको स्मरण गराउँदै यसपटक पनि उस्तै अवस्था दोहोरिन नदिन प्रभावकारी तयारी आवश्यक रहेको बताए ।
