काठमाडौं, १४ वैशाख । अर्थ मन्त्रालयले सार्वजनिक गरेको आर्थिक स्थितिपत्रअनुसार प्रदेश र स्थानीय तहको बजेट खर्च गर्ने क्षमता कमजोर देखिएको छ ।
प्राविधिक र व्यवस्थापकीय सीमितताका कारण विनियोजित बजेट पूर्ण रूपमा उपयोग हुन नसकेको मन्त्रालयले जनाए । आर्थिक वर्ष २०८१÷८२ मा प्रदेशको बजेट खर्च दर ७१.३ प्रतिशत र स्थानीय तहको ७६.४ प्रतिशत मात्र रहेको उल्लेख छ ।
प्रदेश र स्थानीय तहले पर्याप्त खर्च गर्न नसक्दा अर्थतन्त्रमा माग सिर्जना प्रभावित भएको पनि मन्त्रालयको निष्कर्ष छ । संघीय सरकारले कुल बजेटको २२.६ प्रतिशत रकम प्रदेश र स्थानीय तहमा हस्तान्तरण गर्दै आएको छ भने कुल खर्चमा उनीहरूको हिस्सा करिब एक तिहाइ रहेको छ।
