काठमाडौं, १३ बैशाख । त्रिभुवन विश्वविद्यालयले अणफ्नो परिसरभित्र रहेको क्रिकेट रंगशाला सहित अतिक्रमित जग्गा खाली गराउन ३५ दिने अल्टिमेटम दिएका छन् ।
वैशाख ४ मा जारी सूचनाअनुसार, त्रिविले जग्गा प्रयोग गरिरहेका १८ वटा संघ–संस्थालाई छुट्टाछुट्टै पत्र पठाएर तोकिएको समयभित्र खाली गर्न निर्देशन दिएको हो । त्रिवि र नेपाल क्रिकेट संघ (क्यान) बीचको सम्झौता यही वैशाख मसान्तमा सकिँदैछ ।
विश्वविद्यालयका अनुसार यसपटक सम्झौता नवीकरण नगर्ने मनसाय देखिएको छ, किनकि खेल गतिविधिका कारण शैक्षिक काम प्रभावित भएको गुनासो गरिएको छ । यता क्यानले भने सम्झौता थप गर्न सरकारमार्फत पहल गर्ने निर्णय गरेको छ ।
साथै, मुलपानी क्रिकेट मैदान आफूलाई हस्तान्तरण गर्न पनि अनुरोध गर्ने जनाएको छ । त्रिविको जग्गा खोजबिन समितिको प्रतिवेदनका आधारमा कीर्तिपुर क्षेत्रमा ठूलो परिमाणमा अतिक्रमण भएको देखिएकाले सो हटाउने प्रक्रिया अघि बढाइएको हो । क्रिकेट रंगशाला खाली गर्ने निर्णयले प्रस्तावित अन्तर्राष्ट्रियस्तरको रंगशाला निर्माण योजना भने अन्योलमा परेको छ ।
