रौतहट, ११ चैत । रौतहटको चन्द्रनिगाहपुरस्थित जगत रिसोर्टबाट नक्कली सुनसहित चार जना पक्राउ परेका छन् ।
व्यवसायिक यौन गतिविधिको सूचनामा पुगेको प्रहरीले जाँचका क्रममा अवैध सुन कारोबार फेला पारेको हो । प्रहरीले कोठा नम्बर १०२ बाट नक्कली सुनजस्तो धातु ७ थान, ६ थान मोबाइल र एक दूरबिन बरामद गरेको छ ।
पक्राउ पर्नेहरू नेपाल र भारतका विभिन्न स्थानका हुन् । प्रारम्भिक अनुसन्धानमा उनीहरूले सर्वसाधारणलाई ठगी गर्ने उद्देश्यले नक्कली सुन प्रयोग गरेको खुलेको छ ।
घटनाबारे थप अनुसन्धान जारी रहेको प्रहरीले जनाएको छ ।
